Эрүүл эко хэрэглээг түгээх зорилготой, Монголын анхны гоо сайхны бүтээгдэхүүн үйлдвэрлэгч Монкрем компани.
Монкрем ХХК нь 1989 онд байгуулагдсан Монголын анхны гоо сайхны бүтээгдэхүүн үйлдвэрлэгч юм. Өнөөдөр бид гоо сайхан, хувийн арчилгаа, хүүхдийн болон ахуйн хэрэглээний чиглэлд шинжлэх ухаан, байгаль, үйлдвэрлэлийг нэгтгэсэн компани болон хөгжиж байна.
Бид үйл ажиллагаандаа шинжлэх ухааны шинэ дэвшилтэт технологийг ашиглах, шинжлэх ухааны туршилт судалгаанд үндэслэсэн бүтээгдэхүүн үйлдвэрлэхийг байнгын зорилго болгон ажилладаг.
МУИС-ийн Химийн тэнхим, Биологийн тэнхим, АШУҮИС-ийн Арьс судлалын тэнхим, Хими, химийн технологийн хүрээлэн зэрэг байгууллагуудтай хамтран ажиллаж, хувийн хэвшил болон их сургуулиудын хамтын R&D хандлагыг нэмэгдүүлэхийг зорьдог.
Бид Монгол орны үржил шимт хөрсөнд ургасан онгон зэрлэг, үнэт түүхий эдийг зөв техникээр, экологийн тэнцвэрт байдалд нөлөөлөхгүйгээр хураан, судалгаа шинжилгээгээр баталгаажсан технологийн горимоор боловсруулдаг.
ЭРХЭМ ЗОРИЛГО
АЛСЫН ХАРАА
ҮНЭТ ЗҮЙЛС
Ховордож байгаа болон экологийн тэнцвэрт байдалд нөлөөлөх ургамлыг хайрлан хамгаалж, байгалийн нөөцийг зөв зохистой ашиглах замаар байгальд ээлтэй бүтээгдэхүүн үйлдвэрлэнэ.
Савлагаа, үйлдвэрлэлдээ байгальд ээлтэй материал ашиглаж, нүүрстөрөгчийн ул мөрөө бууруулах чиглэлээр тогтмол ажилладаг.
Амьтан дээр туршилт хийхийг эсэргүүцэж, амьтны гаралтай орц найрлагаас татгалзан, веган бүтээгдэхүүн хөгжүүлнэ.
Судалгаа, технологид суурилсан шинэ шийдэл, шинэ бүтээгдэхүүн, шинэ хөгжлийг тогтмол эрэлхийлнэ.
Зөв үйлдэл, зөв зарчмаар ажиллаж бусаддаа үлгэр дуурайлал болохыг зорьдог.
АМЖИЛТУУД
БРЭНДҮҮД
01 · ҮС АРЧИЛГАА
Халгай брэндийн хувьд Монгол орны онгон зэрлэг байгальд ургасан Олслиг халгай буюу Urtica dioica-ын эрдэс бодис, шим тэжээлээр баялаг үнэт чанарт тулгуурлан үсний асуудлыг байгалийн аргаар шийдэхээр гаргасан үс арчилгааны багц бүтээгдэхүүнүүдтэй.
Үс, хуйхыг эрдэс шим тэжээлээр хангаж, уналтыг бууруулан ургалтыг дэмжих таван бүтээгдэхүүнт цогц арчилгаа.
Үсийг тэжээж, эрт бууралтаас хамгаалан байгалийн өнгө болон эрүүл ургалтыг дэмжих судалгаанд суурилсан арчилгаа.
Хуйхны илүүдэл тосыг цэвэрлэж, үсийг зөөлрүүлэн өтгөн, эрүүл ургалтыг дэмжинэ.
Хуурай, уналттай үсэнд чийг тэжээл өгч, зөөлөн байдал болон ургалтыг дэмжинэ.
Хуйхыг цэвэршүүлж хагийг багасган, үсний бат бөх чанар болон ургалтыг дэмжинэ.
Хими, будгаар гэмтсэн үсийг сэргээж, хуйхыг цэвэрлэн уналтыг бууруулж ургалтыг дэмжинэ.
Ургамлын найрлагаар үсийг бэхжүүлж, зөөлрүүлэн хөвсийлгөж, байгалийн гялбааг сэргээнэ.
02 · ХҮҮХДИЙН АРЧИЛГАА
СУДАЛГАА · ХАЙР · ХАРИУЦЛАГА
Доктор Э. Уранчимэгийн хүүхдийн арчилгааны 20 жилийн судалгааны үр дүнд, Монголын ирээдүй болсон бяцхан үрсэд зориулан эхийн хайраар бүтээсэн брэнд.
Харшлын сорилтой, ургамлын гаралтай, чийгшүүлэгч зөөлөн хөөс нь хүүхдийн эмзэг арьсыг хуурайшуулахгүй цэвэрлэнэ.
0+ насанд зориулсан чацаргана, нэрс, аньсны охьтой, SLS, paraben, фторгүй, залгихад аюулгүй амны хөндийн арчилгаа.
03 · ӨДӨР ТУТМЫН АРЧИЛГАА
Доктор Уранчимэгийн “Др. Уна” брэнд байгалийн гаралтай, цэвэр органик ахуйн хэрэглээг Монгол хэрэглэгчдэд хүртээмжтэй хүргэнэ.
СИСТЕМ БА БАТАЛГААЖУУЛАЛТ
Олон улсын стандартуудыг тусдаа шаардлага бус, үйлдвэрлэлийн өдөр тутмын нэг цогц тогтолцоо болгон хэрэгжүүлдэг.
ЧАНАР · БАЙГАЛЬ ОРЧИН · ХАБЭА
www.moncream.mn